Belgııadaǵy saılaý ýchaskesinde saılaýshylar shashý shashty
ASTANA.KAZINFORM — Brıýsselde Quryltaı saılaýyna baılanysty Qazaqstan elshiligi janynan № 405 saılaý ýchaskesi quryldy, dep habarlaıdy agenttiktiń Brıýsseldegi tilshisi.
Saılaý ýchaskesi Belgııa men Lıýksembýrgte turatyn 100-ge jýyq Qazaqstan azamatyn qabyldaıdy. Olardyń arasynda qazaqstandyq dıplomattar men olardyń otbasy músheleri, eýropalyq mekemelerde akkredıttelgen jýrnalıster, shyǵarmashylyq ıntellıgentsııa ókilderi, akademııalyq orta, bıznes jáne stýdentter bar.
Saılaý ýchaskesi ortalyq Eýropa ýaqyty boıynsha saǵat 7:00-de ashyldy. Daýys berýge kelgen alǵashqy saılaýshylar shashý shashty. Bul rásim qýanyshty, izgi tilekti jáne is-sharanyń búkil el úshin mańyzdylyǵyn bildiredi.
Saılaý zańnamasyna sáıkes, Brıýsselde daýys berý Ortalyq Eýropa ýaqyty boıynsha saǵat 20:00–ge deıin jalǵasady. Belgııa men Lıýksembýrgte turaqty turatyn nemese ýaqytsha turatyn qazaqstandyqtar kelesi saılaý ýchaskelerinde daýys bere alady: Brıýssel, Ýkkel kommýnasy, Van Bever dańǵyly, 30-ǵımarat.
Aıta ketelik shetelde júrgen 228 otandasymyz daýys bergen edi.
