Belgııadaǵy iri órt: 3 myń turǵyn evakýatsııalandy
ASTANA. KAZINFORM – Senbige qaraǵan túni Belgııanyń Batys Flandrııa provıntsııasyndaǵy Vestrozobeke qalasynda ornalasqan Horafrost muzdatylǵan kókónister shyǵaratyn kásiporynda iri órt boldy, dep habarlaıdy Kazinform agenttiginiń menshikti tilshisi.
Órt qoımalardyń birinen bastalyp, qysqa ýaqyt ishinde basqa ǵımarattarǵa da taraǵan. Jalyn men qoıý tútin birneshe shaqyrym jerden baıqalǵan. Tútin Frantsııa shekarasyna deıin jetken.
Mýnıtsıpalıtet saıtynda jarııalanǵan aqparatqa sáıkes, tútin ótkir ýytty emes, biraq uzaq ýaqyt áser etken jaǵdaıda qaýipti bolýy múmkin. Órt kezinde asbest bólshekteriniń aýaǵa taralýy anyqtalmaǵan.
Tútinniń birneshe saǵat boıy taralatyny eskerilip, jergilikti aýyl turǵyndaryna shuǵyl evakýatsııa jarııalandy. Bul shara shamamen 3000 adamdy qamtydy.
Aıta keteıik, bul — Batys Flandrııadaǵy sońǵy ýaqyttaǵy ekinshi iri óndiristik órt. Buǵan deıin birneshe apta buryn Recyworks zaýytynda órt shyqqan bolatyn. Ol da Horafrost kásipornyna jaqyn mańda ornalasqan.
Sonymen qatar, 9 shilde kúni Frantsııanyń Marsel qalasynyń mańynda bolǵan kúshti órt saldarynan 110 adam zardap shekti.
Aıta ketelik Belgııada polıtseılerdiń qýǵyn-súrgininen keıin 11 jastaǵy balanyń qaza tabýy rezonans týdyrǵan edi.