Belgııada jappaı ereýilge baılanysty áýejaılar jumysyn toqtatady

ASTANA. KAZINFORM – 23 qarashada Belgııa áýejaılaryndaǵy barlyq turaqty reıs toqtatylady. Buǵan premer-mınıstr Bart De Vever úkimetiniń saıasatyna qarsy uıymdastyrylǵan kezekti jalpyulttyq ereýil sebep boldy, dep habarlaıdy Kazinform agenttiginiń menshikti tilshisi.

Vse aeroporty Belgıı ostanovıat rabotý ız-za obşenatsıonalnoı zabastovkı
Foto: skeyes.be

Belgııanyń áýe qozǵalysyn basqarý operatory Skeyes málimetinshe, eldegi áýejaılardyń dıspetcherleri ACV, ABVV jáne Synova iri kásipodaqtary uıymdastyrǵan jalpyulttyq narazylyq aktsııasyna qatysady.

Jergilikti ýaqyt boıynsha saǵat 07:00-den 21:00-ge deıin áýe qozǵalysynyń qalypty jumysyn qamtamasyz etý múmkin bolmaıdy.

– Osy ýaqyt aralyǵynda tek shuǵyl jáne ushý qaýipsizdigi úshin asa mańyzdy reısterge qyzmet kórsetiledi. Áýe kompanııalary jolaýshylardy reısterdiń toqtatylǵany, bıletterdi qaıta brondaý nemese qarajatty qaıtarý múmkindikteri týraly ózderi habardar etýge mindetti, – delingen aqparatta.

Ereýildiń eń úlken áseri Brıýsseldegi Zaventem áýejaıyna tıedi dep kútiledi. Áýejaı 429 reıs arqyly shamamen 59 500-60 000 jolaýshyǵa qyzmet kórsetýdi josparlaǵan.

Onyń ishinde 213 reıspen 28 myńǵa jýyq jolaýshy ushyp shyǵýy, al 216 reıspen 31,5 myń adam kelýi tıis bolǵan. Atalǵan reısterdiń basym bóligi toqtatyldy.

Eldegi ekinshi iri áýejaı – Sharlerýa (Brussels South) 23 qarashada jumysyn tolyq toqtatatynyn málimdedi. Bul sheshim saǵat 07:00-ge deıingi jáne 21:00-den keıingi reısterge de qatysty.

Jolaýshylarǵa áýe kompanııasynan reıstiń mártebesi týraly naqty rastaý almaıynsha áýejaıǵa kelmeý usynyldy.

Avıatsııa salasynyń birlestikteri bul sheshimdi shamadan tys shara dep baǵalap, eskertýdiń kesh, ıaǵnı senbi kúni ǵana jasalǵanyn synǵa aldy.

Ereýil qoǵamdyq kólik qozǵalysyna da áser etedi. De Lijn operatorynyń avtobýstary men tramvaılarynyń shamamen 40%-y baǵyttarǵa shyqpaıdy. Brıýsseldegi MIVB qoǵamdyq kólik júıesinde de eleýli irkilister kútiledi.

Al aldyn ala málimet boıynsha, NMBS temirjol kompanııasynyń poıyzdary qalypty keste boıynsha qatynaıdy.

Belgııa kásipodaqtary qazirgi úkimet qurylǵannan beri keminde 11-shi iri narazylyq aktsııasyn uıymdastyryp otyr.

Narazylyqqa qatysýshylar jergilikti ýaqyt boıynsha saǵat 10:00-de Brıýsseldiń Soltústik vokzaly mańyna jınalady. Sherý saǵat 11:00 shamasynda bastalyp, Ońtústik vokzalǵa qaraı baǵyttalady.

Aıta keteıik, bıyl 12 mamyrda Brıýsselde úkimettiń áleýmettik-ekonomıkalyq reformalaryna qarsy jalpyulttyq narazylyq sherýi ótken edi. Oǵan 40 myńnan 70 myńǵa deıin adam qatysyp, Sharlerýa áýejaıy barlyq reısti toqtatqan bolatyn.