Belgııada TRUMP atty saıası partııa quryldy
BRıÝSSELЬ. KAZINFORM — Belgııada AQSh prezıdenti Donald Tramptyń qurmetine atalǵan TRUMP atty ońshyl saıası partııa quryldy. Bul týraly eýropalyq Politico basylymy habarlady, dep jazdy TASS agenttigi.
Partııanyń ataýynyń abbrevıatýrasy frantsýz tilinde Tous Réunis pour l'Union des Mouvements Populistes dep jazylady jáne qazaq tiline aýdarǵanda «Popýlıstik qozǵalystar odaǵy úshin birikkender» degen maǵynany bildirse kerek.
Partııanyń negizin qalaýshy Salvatore Nıkotra Trampty «popýlızmniń absolıýtti sımvoly» dep atap, «ol bizdiń kózqarasymyz ben ustanymdarymyzdy tolyq beıneleıdi» dedi. Onyń aıtýynsha, TRUMP — «áleýmettik baǵyttaǵy ońshyl-popýlıstik partııa».
Nıkotranyń málimdeýinshe, partııa Belgııadaǵy federaldyq deńgeıdegi saılaýlarǵa, sondaı-aq 2029 jylǵy Eýroparlament saılaýyna qatysýdy josparlap otyr.
Eske sala keteıik, buǵan deıin Belgııada jalpyulttyq ereýil ótkenin jazdyq.