Belgııada tarıhtaǵy eń ystyq jaz tirkeldi
ASTANA. KAZINFORM – Belgııanyń Koroldik meteorologııalyq ınstıtýty (RMI) elde meteorologııalyq baqylaý tarıhyndaǵy eń ystyq jaz tirkelgenin málimdedi, dep habarlaıdy Anadolý agenttigi.
RMI málimetinshe, 16 maýsymǵa deıin aýa temperatýrasy maýsymdyq normadan tómen bolǵan. Alaıda osy kúnnen keıin temperatýra kúrt kóterilgen.
Elde meteorologııalyq baqylaý júrgizile bastaǵan 1833 jyldan beri alǵash ret jazdaǵy ortasha temperatýra Tselsıı boıynsha 20 gradýstan asty. Buǵan deıingi eń ystyq jaz 2018 jyly tirkelip, ortasha temperatýra 19,9 gradýs bolǵan.
Bıyl jazda Belgııada úsh ret aptap ystyq boldy. Onyń ishinde 17-28 maýsym aralyǵyndaǵy alǵashqy ystyq tolqyny «eń uzaq ári qarqyndy» bolǵan.
Aıta keteıik, buǵan deıin aptap ystyq Eýropanyń balyq sharýashylyǵyna mıllıondaǵan dollar shyǵyn keltirgenin jazdyq.
Al Dúnıejúzilik muhıt temperatýrasy baqylaý tarıhyndaǵy rekordty jańartty.
Sondaı-aq qazirgi El-Nıno tarıhtaǵy eń kúshti qubylystardyń birine aınalýy múmkin.
