Belgııada sottalǵandar jazasyn qashyqtan óteı alady

ASTANA. KAZINFORM – Túrmelerde adam tolyp ketýine baılanysty Belgııa bıligi tutqyndardy úılerine bosatý týraly sheshim qabyldady. Endi bir aı túrmede ustaýdy bir aılyq úı qamaqpen aýystyrýǵa bolady, dep habarlaıdy Euronews. 

Belgııa túrmeniń tolyp ketý máselesin sheshý úshin keıbir tutqyndarǵa bir aı temir tordyń ar jaǵynda jáne bir aı úı qamaýynda otyrýǵa múmkindik beredi.

Tutqyndardyń sany eldegi túzeý mekemeleriniń múmkindiginen asyp tústi. Belgııada túrmedegi 10 700 tósekke 12 300 tutqyn keledi. Qadaǵalaýshylar kásipodaqtary tipti ereýilge shyǵamyz dep aıtyp otyr.

Synshylardyń aıtýynsha, bul jaǵdaı onsha aýyr emes qylmystar úshin qatań túrme jazasyn taǵaıyndaıtyn jańa saıasatqa baılanysty bolǵan.

Terrorızm nemese seksýaldyq qylmystar úshin sottalǵandar, sondaı-aq 10 jyldan astam merzimge sottalǵandar jazany úıde óteı almaıdy.