Belgııada iri kompanııa WhatsApp arqyly kýrerlerin jumystan shyǵaryp jiberdi
ASTANA. KAZINFORM – Belgııanyń Shyǵys Flemal mýnıtsıpalıtetindegi Amazon-nyń qosalqy merdigeri KM Group kompanııasynda jumys isteıtin 100-ge jýyq belgııalyq júrgizýshi WhatsApp arqyly ujymdyq túrde jumystan shyǵaryldy. Kásipodaqtar jumyssyzdyq boıynsha járdemaqy alý úshin qajetti qujattardy almaǵanyn málimdeıdi, dep jazady Euronews.
Júrgizýshiler kompanııanyń bankrotqa ushyrap, sol sebepti shilde aıynda jalaqysyz qalǵandary týraly sms-habarlama aldy. Sondaı-aq olar jumyssyzdyq boıynsha járdemaqy alý úshin qajetti blankiler almaǵandaryn aıtady.
Birlesken málimdemede Belgııanyń Jalpy eńbek federatsııasy (FGTB) men Hrıstıan kásipodaqtar konfederatsııasy (HQKO) jumysshylardyń jumystan bosatylý tásilin jáne olardyń ózderine tap bolǵan belgisiz qarjylyq jaǵdaıyn aıyptady.
- 31 shildede kompanııanyń bankrotqa ushyraǵany týraly bizge WhatsApp arqyly sms-habarlama keldi. Biraq eshqandaı qyzmetkerler jınalysy, áleýmettik dıalog bolǵan joq, tek WhatsApp habarlamasy keldi, - dedi UBT-FGTB kásipodaq uıymynyń jergilikti fılıalynyń hatshysy Danıel Maratta.
Kásipodaqtar KM Group-tyń bankrotqa ushyraýy amerıkalyq onlaın-bólshek saýda alyby Amazon kelisimshart sharttaryn qaıta qaraýdan bas tartqannan keıin jarııalandy dep málimdeıdi.
KM Group sotta bankrottyq rásimin dereý bastaýy kerek bolsa da, Maratta kompanııanyń balansy áli resmı túrde jarııalanbaǵanyn aıtty.
Onyń aıtýynsha, kásipodaq jumystan bosatylǵan jumysshylardy shuǵyl kómekke júginý úshin áleýmettik qamsyzdandyrý ortalyqtaryna jibergen, alaıda ortalyqtan olarǵa kómek bolatyndyǵy áli belgisiz, óıtkeni olarǵa qajetti C4 formasy berilmegen.
