Belgııada premerge qarsy lańkestik áreket josparlaǵan úsh kúdikti ustaldy

ASTANA. KAZINFORM – Belgııanyń arnaıy qyzmetteri Antverpen qalasynda radıkaldy top múshelerin ustaý operatsııasyn júrgizdi, dep habarlaıdy Kazinform menshikti tilshisi.

Jergilikti baspasózdiń jazýynsha, premer-mınıstr Bart De Veverge shabýyl jasaýdy josparlaǵan lańkestik uıymnyń kózi joıyldy.

Tergeýshiler kúdiktiler lańkestik áreket jasaý úshin ushqyshsyz apparatqa qosýdy josparlaǵan bolýy múmkin qoldan jasalǵan jarylǵysh zattardy anyqtady. Tintý Antverpenniń Dern aýdanynda júrgizildi.

- Úsh jas jigit (2001, 2002 jáne 2007 jyly týǵan, barlyǵy Antverpende turady) ustaldy, - delingen prokýratýra taratqan habarlamada.

Bul rette ustalǵandardyń ulty týraly habarlanǵan joq.

Tintý kezinde quzyrly organdar sondaı-aq 3D-prınter men elektrondy bólshekterdi tárkiledi.

- Bul oqıǵa prokýrorlar, polıtsııa jáne barlaý qyzmetteri terrorlyq shabýyldar qaýpine qatysty únemi qyraǵy bolýy kerek ekenin kórsetedi, - dep málimdedi prokýratýra.

Belgııanyń Syrtqy ister mınıstri Maksım Prevo el premer-mınıstrine qastandyq jasaý týraly habar ony qatty kúızeltkenin málimdedi.

- Bul lańkestik qaýpi shynaıy bolyp qala beretinin jáne biz qyraǵy bolýymyz kerek ekenin eske salady, - dep jazdy dıplomat H áleýmettik jelisinde.

Flamand ultshyly Bart De Vever Belgııanyń premer-mınıstri retinde osy jyldyń aqpan aıynda eldi odan ári ońǵa qaraı jyljytqan koalıtsııalyq kelissózden keıin ant qabyldaǵan.

Buǵan deıin Germanııada qala meri pyshaq shabýylynan birneshe jaraqat alǵanyn habarlaǵan bolatynbyz.