Belgııada poıyz ben mektep avtobýsy soqtyǵysyp, 4 adam kóz jumdy
ASTANA. KAZINFORM — Belgııanyń Bıýggenhaýt qalashyǵynda mektep avtobýsy poıyzben soqtyǵysyp, tórt adam mert boldy, dep habarlaıdy Sınhýa.
Oqıǵa jergilikti ýaqyt boıynsha seısenbi kúni shamamen saǵat 08:15–te (Grınvıch boıynsha 06:15) temirjol ótkelinde bolǵan. Apat saldarynan Dendermonde men Londerzeel arasyndaǵy temirjol qozǵalysy ýaqytsha toqtatyldy.
Aldyn ala málimet boıynsha avtobýsta arnaıy orta mekteptiń 7 oqýshysy, tárbıeshi men júrgizýshi bolǵan.
Belgııanyń kólik mınıstri Jan-Lıýk Krıýktiń aıtýynsha, apattan eki jasóspirim, júrgizýshi jáne tárbıeshi kóz jumǵan.
Qazirgi ýaqytta oqıǵaǵa baılanysty tergeý júrgizilip jatyr.
Eske sala keteıik, byltyr Qyzylordada qaraýsyz temirjol ótkelinde júk kóligi poıyzben soqtyǵysqan bolatyn.
