Belgııada ınflıatsııa 3,2% ósti

ASTANA. KAZINFORM – Belgııada ınflıatsııa aǵymdaǵy jyldyń qańtar-aqpan aılary aralyǵynda boljanǵan mejeden joǵary bolyp, sońǵy bes aıda alǵash ret 2 paıyzdyq ósim qarqynynan asyp tústi. 

Máselen, aqpan aıynda ınflıatsııa 1,75%-dan 3,20%-ǵa deıin ósti. Bul ósý qarqyny 0,5%-dy quraǵan 2023 jyldyń jeltoqsanynan beri 2,5 paıyzdyq tarmaqtan astam óskenin bildiredi.

Belgııalyq BAQ eldegi ortasha statıstıkalyq otbasynyń taýarlar men qyzmetter «sebeti» osy aıda 2023 jyldyń aqpan aıymen salystyrǵanda 3,2%-ǵa qymbat ekenin atap ótti.

Aǵymdaǵy jyldyń aqpan aıynda baǵanyń negizgi ósýi kógildir otyn baǵasynyń ósýimen baılanysty boldy.

Qańtar aıymen salystyrǵanda Belgııada tabıǵı gaz baǵasy 44,6 paıyzǵa ósti. Bul rette elektr energııasynyń baǵasy 7,7%-ǵa qymbattaǵan.

Budan basqa, Belgııanyń statıstıkalyq agenttigi teńiz ónimderi (31,8%), záıtún maıy (23,7%), qoı eti (23%), temeki (20%) baǵasynyń óskeni týraly málimetterdi usyndy. Kartop, alkogolsiz syra, gazet-jýrnal, sondaı-aq veterınarııalyq qyzmet quny da aıtarlyqtaı ósti.