Belgııada antıterrorlyq operatsııa: jeti adam qamaýǵa alyndy
ASTANA. KAZINFORM—Belgııada birneshe úıdi tintý kezinde lańkestik áreketke qatysy bar degen kúdikpen jeti adam qamaýǵa alyndy.
Belgııa baspasózi Antverpen federaldy sot polıtsııasynyń lańkestik isterge mamandanǵan tergeý sýdıasynyń ótinishi boıynsha toǵyz qalada 14 tintý júrgizgenin jazdy.
Operatsııanyń maqsaty – lańkestik toptyń qyzmetine qatysty, terrorızmdi qarjylandyrǵan jáne lańkestik áreketti daıyndaǵandardy ustaý boldy.
Úılerdi tintý Antverpen, Serens, Sent-Hose-ten-Nýde, Menın, Býrg-Leopold, Lej, Kortrıık, Gent jáne Zonhoven qalalarynda júrgizildi. Barlyǵy jeti adam qamaýǵa alynyp, tergeýge alyndy.
Belgııadaǵy lańkestik qaýip-qaterdiń jalpy deńgeıi 1-den 4-ke deıingi shkala boıynsha 3-ke qoıyldy, ıaǵnı 2023 jylǵy 16 qazanda Brıýsselde bolǵan teraktiden keıin qaýip «múmkin jáne yqtımal» degendi bildiredi.
RTBF polıtsııanyń áreket etý ýaqyty, eń bolmaǵanda, erteń bastalatyn Parıj Olımpıadasyna baılanysty ekenin jáne qaýipsizdik qyzmeti táýekelge barǵysy kelmeıtinin habarlady.
Frankofondyq BAQ sonymen qatar tutqyndaýlar yqtımal ıslamıstik qaýippen baılanysty ekenin jáne osyndaı tutqyndaýlar Eýropanyń basqa jerlerinde bir ýaqytta jasalǵanyn atap ótti.
