Belgııada 27 jyl boıy jalǵan atpen jasyrynyp júrgen qylmysker elge jetkizildi
ALMATY. KAZINFORM - Adam urlap, óltirdi degen kúdikke ilingen qazaqstandyq jalǵan atpen Belgııada 27 jyl boıy jasyrynyp kelgen.
Almatynyń krımınaldyq polıtsııasynyń málimetinshe, 63 jastaǵy qazaqstandyq 1997 jyly maýsymda Reseıdiń Novosıbırsk qalasynda otandasymyzdy urlap, óltirý isine qatysqan, kezinde ony bosatý úshin týystarynan 100 myń dollar ótemaqy talap etken.
Ol bul aýyr qylmysty aldyn ala sóz baılasý arqyly jasaǵany belgili boldy.
«Tergeý barysynda qylmysqa qatysýshylar ustalyp, olarǵa túrli jazalar taǵaıyndaldy. Sot organdarynan qashyp ketken qylmyskerlerdiń birine qatysty syrttaı qamaýǵa alý túrindegi bultartpaý sharasy, sondaı-aq memleketaralyq jáne halyqaralyq izdeý jarııalandy. Іzdeýdegi azamat jalǵan derektermen Belgııada jasyrynyp júrgeni belgili boldy. Almaty qalalyq prokýratýrasynyń úılestirýimen jáne Interpoldyń kómegimen kúdikti ustalyp, Almaty qalasyna jetkizildi», - dedi, Almaty qalalyq polıtsııa departamenti bastyǵynyń orynbasary Qýatbek Naýatov.
Ol ýaqytsha ustaý ızolıatoryna qamaldy.
