Belgııa jumys isteýge ruqsat berý tártibin jańartyp jatyr

ASTANA. KAZINFORM — 2026 jyldan bastap Belgııada «biregeı ruqsatty» resimdeý protsesi 90 kúnnen aspaýy tıis, dep habarlaıdy AZERTADJ The Brussels Times basylymyna silteme jasap.

 Atalǵan el osy jyldyń qarasha aıyna deıin EO-nyń joǵary bilikti jáne suranysqa ıe mamandar úshin ruqsat rásimin jeńildetetin jańa erejelerin engizýge mindetti.

«Biregeı ruqsat» – turýǵa yqtııarhat pen eńbek etýge ruqsatty biriktiretin rásim. Bul protsedýra eki bólek ótinish berýdiń qajettiligin joıady.

Jańa dırektıva sheteldik jumysshylarǵa qujattardy qaıta tapsyrýsyz jumys berýshini aýystyrýǵa, sondaı-aq ruqsatty uzartý týraly ótinish qaralyp jatqan kezeńde ony avtomatty túrde uzartýǵa múmkindik beredi.

2023 jyly Belgııada osyndaı shamamen 21 000 ruqsat berilgen, onyń 65%-y Flandrııa aımaǵyna tıesili.

ACV kásipodaq ókili Stefan Pırsmannyń aıtýynsha, qazirgi tańda bul protsess alty aıdan astam ýaqyt alýy múmkin.

Erejelerdi jańartý maqsaty — bıýrokratııalyq kedergilerdi azaıtý, protsestiń ashyqtyǵyn arttyrý jáne EO quramyna kirmeıtin elderdiń azamattarynyń eńbek quqyqtaryn qorǵaý.

Buǵan deıin Belgııa parlamentiniń músheleri otbasylardy biriktirýdi shekteıtin úkimettik zań jobasyn qabyldaǵanyn jazǵan edik. Bul shema elde zańdy túrde turatyn shetel azamattaryna bir nemese birneshe otbasy múshelerin ákelýge múmkindik beredi.