Belgııa quramasynyń bas bapkeri matchqa qatysty óz ýájin aıtty
ASTANA. KAZINFORM — Belgııa ulttyq quramasynyń bas bapkeri Rýdı Garsııa Qazaqstan komandasymen ótken 2026 jylǵy álem chempıonatynyń irikteý matchynyń nátıjesine qatysty pikir bildirdi. Atalǵan oıyn 1:1 esebimen teń aıaqtaldy.
Bapkerdiń aıtýynsha, onyń komandasy oılaǵannan áldeqaıda kúshti qarsylyqqa tap bolǵan.
Garsııanyń sózinshe, Belgııa Astanaǵa aldyn ala oılastyrylǵan taktıkamen kelgen.
— Biz matchqa muqııat daıyndaldyq jáne oıynda qoldanatyn naqty josparymyz boldy. Ekinshi taımda bizdiń taktıkalyq oılarymyzdyń bir bóligin baıqaýǵa bolatyn edi. Biraq Qazaqstan qaqpashysy keremet oınady, jeke alǵys aıtýǵa turarlyq, — dedi maman.
Garsııa oıynnyń óte tartysty ótkenin jáne match barysynda komandasyna áreketterin qaıta-qaıta túzetýge týra kelgenin atap ótti.
Іrikteý nátıjesinde Qazaqstan 8 upaı jınap, J tobynda tórtinshi oryn aldy.