Belgııa astanasynda qazaqstandyq zergerdiń kórmesi ótip jatyr

ASTANA. KAZINFORM – Juma kúni Brıýsseldegi «Muse» galereıasynda qazaqstandyq zerger-dızaıner Serjan Báshirovtyń kórmesi ótip jatyr, dep habarlaıdy Kazinform-nyń menshikti tilshisi.

ıÝNESKO-nyń úsh dúrkin laýreaty, qazaqstandyq zerger Serjan Báshirov óziniń kórmesin alǵash ret Eýropa atanasynda ótkizdi.

Ortalyq Azııanyń sheberlik dástúri men murasyna negizdelgen onyń áshekeı buıymdary álemge tanymal. Báshirov Qazaqstannyń shyǵysyndaǵy shalǵaı aýylda týyp, kóshpendilerdiń mádenıeti men dástúrlerin boıyna sińirgen. Óziniń eńbekterinde ol ǵun, qypshaq, qımaq zamanyna jatatyn kóne tásildi qoldanady.

Sheber ádette kúmis, jez sııaqty jáne ózge de metaldar qospasy men aǵash pen súıekti paıdalanady. Onyń oıý-órnekteri Qazaqstannan tys jerlerde de tanymal.

Ol óziniń jeke kórmesin aldymen Ispanııada ótkizip, keıin Brıýsselge keldi.

- Belgııadaǵy shara Ortalyqazııalyq-Eýropalyq shyǵarmashylyq alıansynyń qoldaýymen ótip jatyr. Sharanyń Naýryz meıramymen tuspa-tus kelgeni qýanyshtady. Qazir Eýropada ortalyqazııalyq buıymdarǵa qyzyǵýshylyq artyp keledi. Men Qazaqstan mádenıetin Eýropa tórinde usynyp otyrǵanyma qýanyshtymyn, - dedi dızaıner.

Osyǵan deıin qazaqstandyq taǵy bir zergerdiń Iordanııa patshaıymy taqqan boıtumar ulttyq áshekeıimizge suranysty arttyrǵany týraly aıtqan edi.