Belgııa 140,8 mln eýroǵa mını-drondar satyp alady

ASTANA. KAZINFORM — Belgııanyń Qorǵanys mınıstri Teo Franken elin «ótken dáýirdiń soǵystaryna emes, bolashaq soǵystarǵa daıyndalyp jatyr» dep sıpattap, 140,8 mln eýroǵa mını-drondar satyp alý josparlanǵanyn málimdedi. Bul týraly Anadoly habarlady.

Franken áleýmettik jelidegi habarlamasynda Qorǵanys mınıstrliginiń mını-drondardy satyp alý josparyn «tarıhı» dep atady.

— Qorǵanys júıesin ótken soǵystarǵa emes, bolashaq soǵystarǵa daıyndap jatyrmyz, — dedi Franken, mını-drondardy 140,8 mln eýroǵa satyp alatynyn habarlap.

Belgııadaǵy BAQ derekterine sáıkes, mını-drondar NATO-nyń Qoldaý jáne jabdyqtaý agenttigi (NSPA) arqyly satyp alynady, al 140,8 mln eýro satyp alý, tehnıkalyq qyzmet kórsetý jáne tehnıkalyq mamandardy oqytýdy qamtıdy.

Mını-drondar barlaý jáne baqylaý maqsatynda qoldanylatyn bolady jáne Rýmynııa men Lıtvadaǵy belgııalyq áskerlerdi qoldaý úshin paıdalanylady.

Budan buryn habarlanǵandaı, Belgııada premerge qarsy lańkestik áreket josparlaǵan úsh kúdikti ustaldy.