Belgisiz tulǵa Pýtınniń kabınetinde birneshe ret sýretke túsken
ASTANA. 21 mamyr. QazAqparat - «Moskovskıı komsomolets» gazeti jaǵa ustatatyn sýretter jarııalady.
Beınede belgisiz tulǵa Reseı prezıdentiniń kabınetinde birneshe ret sýretke túsken. Onyń Kremlge qalaı kirgendigi jurtty alǵashqyda tań qaldyrdy.
Keıinirek, basylym tilshileri anyqtaǵandaı, memleket basshysynyń taǵyna otyryp sýretke túsken jan Federaldy kúzet qyzmetiniń burynǵy qyzmetkeri Alekseı Ýstımchýk bolyp shyqty. Ol 2004-2011 jyldar aralyǵynda baılanys bóliminde jumys istep, prezıdenttiń qyzmet kabınetin tehnıkalyq turǵydan jaraqtandyrǵan eken.
Onyń tanystarynyń aıtýynsha, Alekseı Ýstımchýk qymbat kólikterdiń janynda, túngi klýbtarda jáne memlekettik mekemeler ishinde sýretke túsýdi óte mańyzdy dep esepteıtin bolǵan. «Prezıdent taǵynda otyryp túsken sýretin ol qyzdardy ózine qaratý úshin áleýmettik jelilerge, tanysý saıttaryna ilgen» deıdi Alekseıdiń qurbysy.
Aıta keteıik, 2011 jyly jyly Ýstımchýk belgili Olıgarh Evgenıı Kasperskııdiń ulyn urlaǵany úshin 4,5 jylǵa sottalǵan bolatyn. Al, atalǵan sýretterdi qarap shyqqan mamandar men sarapshylar onyń túpnusqa ekendigine kúmán keltirmeıtindigin málimdedi. Eger ol resmı túrde rastalsa Federaldy kúzet qyzmetine qyzmettik tekserý júrgizilmek, dep habarlaıdy Baq.kz.
