Belgisiz qarýmen adam óltirgen saryaǵashtyqqa izdeý jarııalandy - ІІM
ASTANA. QazAqparat - Ońtústik Qazaqstan oblysynda kórshi aýyldyń azamatyn atyp tastaǵan Saryaǵash qalasynyń turǵynyna izdeý jarııalandy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
Onyń aıtýynsha, keshe Ońtústik Qazaqstan oblysynyń Saryǵash qalasynda jergilikti turǵyn kórshi aýyldyń azamatyn belgisiz qarýmen atqan. Jábirlenýshi oq jaraqatynan aýrýhanada kóz jumdy.
«Jedel izdestirý jáne tergeý sharalarynyń nátıjesinde qylmysty jasaǵan kúdikti anyqtalyp, izdeý jarııalandy. Birqatar saraptama taǵaıyndaldy. Tergeý amaldary júrgizilýde», - dedi Almas Sadýbaev.
