Belgisiz bireýler Shýmaherdiń palatasyna urlanyp kirmek bolǵan
ASTANA. QazAqparat - Belgisiz eki er adam «Formýla-1» jarysynyń jeti dúrkin álem chempıony Mıhael Shýmaherdiń palatasyna urlanyp kirip, ony uıaly telefonǵa túsirip alǵysy kelgen, dep jazady sheteldik BAQ.
Aldyn ala aqparat boıynsha, begisiz bul adamdar tanymal avtoshabandoz emdelip jatqan Grenobldegi aýrýhananyń ózge emdelýshileriniń týystary nemese tanystary bolýy múmkin. Osy tektes jaıttar buǵan deıin birneshe ret bolǵan kórinedi. Shýmaher qulaǵannan keıin eki saǵattan soń din qyzmetshisiniń kıimin kıgen beıtanys adam onyń palatasyna kirmek bolǵan. Eske sala ketsek , Frantsııadaǵy Merıbelde 2013 jylǵy 29 jeltoqsanda taý betkeıinde shańǵy teýip júrgen Shýmaher qulap, basynan aýyr jaraqattanǵan bolatyn. 45 jastaǵy shabandoz sodan beri Grenobl gospıtaldarynyń birinde es-tússiz jatyr. Al osy aıdyń basynda Mıhael Shýmaher esin jııa bastaǵany jaıynda aqparattar taratyla bastaldy.
