Belgisiz bireýler Pavlodardaǵy shirkeýge órt qoımaq boldy
PAVLODAR. QazAqparat - Pavlodardaǵy Blagoveşensk kafedraldy shirkeýiniń esigine belgisiz bireýler órt qoımaq boldy, dep habarlaıdy QazAqparat.
«Shamamen túngi 01-30-dar shamasynda Blagoveşensk kafedraldy shirkeýiniń birinshi qabatynda elektr jaryǵy sónip qalyp, qaraýyl elektr júıesin jóndeýshilerdi shaqyrǵan. Olar kelgen soń búkil shirkeýdegi jaryqty sóndirgen. Sondyqtan shirkeýde júrgenderdiń barlyǵy uıaly telefondarynyń jaryǵyn paıdalandy»,-deıdi shirkeý qyzmetkeri Alekseı Stepanov.
Onyń sózinshe, shamamen túngi 01-00-der shamasynda qaraýyl aımaqty baqylap shyqqan. Ol kezde eshteńe bolmaǵan. Al tań ata belgisiz bireýdiń kireberis esiktiń astyna qaǵaz tyǵyp, ony jandyrmaq bolǵandyǵy belgili boldy.
Temir esik kúıeden birmasha qaraıǵanymen, esikke aıtarlyqtaı zııan kelmegen. Ony kim istegeni belgisiz. Tań ata jáne keshkisin shirkeýdiń beınebaqylaý júıesi jumys istemedi, óıtkeni jaryq joq bolǵan.
«Menińshe, eki fakti bir-birimen baılanysty emes. Bul kezdeısoq jaǵdaı bolar degen oıdamyn. Polıtsııa kelip, hattama toltyrdy. Jaryq shirkeýde tańǵy ata saǵat 9-00-derge taman paıda boldy. Buny kim ne úshin istegen belgisiz. Shamasy bireýler biz daıyndalyp jatqan merekeniń shyrqyn buzbaq bolǵan shyǵar»,-deıdi Alekseı ákeı.
