Belgisiz bireýler Nıgerııanyń soltústik-batysynda 40-tan astam adamdy urlap ketti
ASTANA. QazAqparat - Qarýly adamdar toby Nıgerııanyń soltústik-batysyndaǵy aýylǵa shabýyl jasaý barysynda 40-tan astam adamdy urlap ketti, dep habarlady RIA Novostı Reıter agenttigine silteme jasap.
Shabýyl Maları eldi mekeninde boldy. «Adamdar qorqynyshtan óz úılerinen qashyp shyqty, biraq ta olar (qarýly adamdar) bári de ózderine baǵynýy tıis ekenin eskertti. Olar 40-tan astam adamdy ózderimen birge áketti, negizinen 15-23 jas aralyǵyndaǵylar. Qazir aýylda jastar qalmady», - dep málimdedi agenttikke oqıǵa kýágeri Mohammed Zaramı.
Ázirge aımaqta áreket etetin birde-bir top bolǵan oqıǵaǵa jaýapkershilikti ózderine alǵan joq. Jergilikti turǵyndar jáne quqyq qorǵaý organdaryndaǵy derekkózder shabýyldy eldiń osy óńirine únemi shabýyldaıtyn «Boko Haram» radıkalyq tobynyń sodyrlary jasady degen pikirde.
2014 jyly sáýirde «Boko Haram» sodyrlary astam mektepte oqıtyn 270-ten astam qyzdy urlap ketken bolatyn, endi búkil aımaqty turaqsyzdandyrýǵa qaýip tóndirip tur. Top basshysy qyzdardy barlyq tutqyndalǵan sodyrlarǵa aýystyrýǵa usynys jasady, biraq ta el úkimeti budan bas tartty. Qazirgi kezde 57 oqýshy qyz óz otbasylaryna qosyldy, 219-y áli sodyrlarda kepilde qalyp otyr.
Nıgerııada «Boko Haram» radıkaldy ıslamdyq toby belsendi áreket etýde, onyń músheleri bilim berýdiń batystyq modeline qarsy jáne búkil elde sharıǵat zańyn engizýdi kózdeıdi. Top elde kóptegen lańkestik aktilerin uıymdastyrýda. Nıgerııa Prezıdenti Gýdlak Djonatan lańkestik qaýpine jáne sodyrlardyń shabýyldaryna baılanysty budan bir jyl buryn birqatar shtattarda tótenshe jaǵdaı engizýdi jarııalady.
