Belgisiz bireýler fýtbol komandasynyń oıynshylaryn atyp ketti
ASTANA. QazAqparat - Meksıkada Gýanhýato shtatyndaǵy Salamanka qalasynda belgisiz bireýler Taxi Express áýesqoı fýtbol komandasynyń oıynshylaryna shabýyl jasaǵan. Úsh adam qaza taýyp, taǵy úsheýi jaralandy, dep habarlady Televisa beısenbi kúni.
Olar fýtbol alańyna eki júk mashınasymen kelip, adamdarǵa oq jaýdyrǵan.
Polıtsııa oqıǵa bolǵan jerden vıntovkanyń 30-dan astam oǵyn tapqan. Quqyq qorǵaý organy qyzmetkerlerine qylmyskerlerdi ustaýdyń sáti túspedi.
Eki adamnyń sol jerde mert bolǵany atap ótiledi. Úshinshi fýtbolshy Salamankadaǵy oblystyq aýrýhanada kóz jumǵan. Sondaı-aq taǵy úsh adam gospıtalda jatyr. Olardyń jaǵdaıy aýyr.
Komandanyń barlyq ókilderi taksı júrgizýshileri bolǵan.
