Belgisiz bireýler «Formýla-1» jarysýshysy Battonnyń vıllasyn tonap ketti
ASTANA. QazAqparat - Belgisiz bireýler "Formýla-1" "Maklaren" komandasynyń jarysýshysy Djenson Battonnyń vıllasyn tonap ketti. Olar sportshy men onyń jary Djessıka Mıchıbatýdy uıyqtatyp tastaǵan.
Bul týraly Sun basylymy habarlady.
Erli-zaıyptylar Frantsııanyń ońtústiginde San-Tropede vıllany jalǵa alǵan. Polıtsııanyń pikirinshe, tonaýshylar jeldetkish arqyly uıyqtatatyn gaz jibergen.
"Sońǵy bes jylda tonaýdyń bul ádisi keń tarap keledi, - dep atap ótti San-Tropedegi polıtsııa ýchaskesiniń baspasóz qyzmetinde. - Mundaı amaldy qymbat úılerdi tonaıtyn tájirıbeli qylmyskerler qoldanady.
Batton men onyń zaıybynan urlanǵan zattardyń ishinde 5 karat gaýhar taspen bezendirilgen neke saqınasy jáne gaýhar tasy bar altyn men platınadan jasalǵan áshekeı buıymdary boldy. Tonaýshylar jalpy quny 300 myń fýnt bolatyn zattardy úptep ketken.
Batton "Formýla-1" synyna alǵash ret 2000 jyly qatysqan bolatyn. 2009 jylǵy maýsymda "Braýn" komandasy quramynda brıtanııalyq sportshy álem chempıony atandy.
