Belgisiz bireýler blogerdi sabap, tonap ketti
Bul týraly bloger áleýmettik jelidegi paraqshasynda jazdy.
Aqparatty Almaty qalasynyń polıtsııa departamenti rastady. Bul fakt sotqa deıingi tergeýdiń biryńǵaı tiziliminde QR Qylmystyq kodeksiniń 191-baby «Qaraqshylyq» boıynsha tirkeldi.
«Tergeý-jedel toby quryldy. Qazirgi ýaqytta shabýyldaýshylardyń jeke basyn anyqtaýǵa jáne olardy ustaýǵa baǵyttalǵan jedel is-sharalar kesheni qolǵa alyndy. Sondaı-aq, beınebaqylaý kameralaryndaǵy derekterdi jedel ýákilder muqııat zertteıtin bolady»,- dep málim etti Almaty qalasy PD baspasóz qyzmeti.
Aıta keteıik, bloger Valerıı Kýdrıavtsev basqa blogerlermen birigip jaǵdaılarǵa shaǵymdanatyn ártúrli keıipkerlerdi vıdeoǵa túsirip, nasıhattaıdy. Olar Qazaqstannyń qalalaryn aralap, ondaǵy problemalardy kórsetedi.