Belgisiz bireýler aýyl turǵynynyń 3 traktoryn órtep jiberdi - Túrkistan
BÁIDІBEK. QazAqparat – Túrkistan oblysy, Báıdibek aýdanynda belgisiz bireýler jergilikti turǵynnyń úsh traktoryn órtep jibergen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, oqıǵa Boraldaı aýylynda bolǵan. Oqıǵa ornyna Báıdibek aýdandyq polıtsııa bóliminiń krımınaldyq polıtsııa qyzmetkerleri kelip, osy iske qatysy bar degen kúdiktilerdi izdestirýde. Olar órt qoıǵan kúdiktilerdi anyqtaý sharalaryn júrgizýde.
«Atalǵan oqıǵaǵa qatysty QR QK-niń 202-baby 2-bólimi «qasaqana órt qoıý arqyly bótenniń múlkin joıý nemese búldirý» boıynsha is qozǵaldy. Tergeýshiler tarapynan birqatar saraptamalar taǵaıyndaldy» delingen habarlamada.
