Belgisiz bireýler aýrýhananyń kólik turaǵyna tastap ketken jaraly azamat kóz jumdy
AQTÓBE. QazAqparat – Belgisiz bireýler kóptegen dene jaraqatyn alǵan 40 jastaǵy aqtóbelik azamatty aýrýhananyń jedel járdem kóligi turaǵyna laqtyryp ketken.
Er adam esin jımastan, kóz jumdy. Atalǵan is boıynsha kúdiktiler ustaldy, dep habarlaıdy QazAqparat tilshisi oblystyń PD baspasóz qyzmetine silteme jasap.
«15 qańtarda aýrýhananyń jedel járdem bóliminde kóptegen dene jaraqatynan 40 jastaǵy Aqtóbe turǵyny qaıtys boldy. Ony aýrýhananyń kólik turaǵyna belgisiz bireýler jetkizgen. Adam óltirý faktisi boıynsha qylmystyq is qozǵaldy», - dep túsinikteme berdi Aqtóbe oblysynyń PD baspasóz hatshysy Erbolat Sarqulov.
Polıtseısler osy is boıynsha úsh kúdiktini ustaǵan. Olar ýaqytsha ustaý ızolıatoryna jiberildi.
Samal Endıbaeva
