Belgisiz bireýler ádeıi jol apatyn jasap, kólikten 350 myń dollardy alyp ketken
ASTANA. QazAqparat - Máskeýdiń shyǵysynda belgisiz bireýler jol- kólik apatyn jasap, jábirlenýshiniń kóliginen 350 myń dollar urlap ketken.
Bul jaıly Reseı astanasyndaǵy ІІM bas basqarmasynyń baspasóz qyzmeti málim etti.
«Kúmis tústi avtokólikke mingen belgisiz bireýler shaǵymdanýshynyń mashınasyn ádeıi qaǵyp, onyń ishinde otyrǵan jábirlenýshini belgisiz zatpen birneshe ret soqqyǵa alǵan. Osydan keıin qaskúnemder kólik ıesiniń uıaly telefony men 350 myń dollar kólemindegi aqshasyn jymqyryp, izderin sýytqan», - dep habarlaıdy baspasóz qyzmeti.
Basynan jaraqat alǵan jábirlenýshi aýrýhanaǵa jetkizildi. Quqyq qorǵaý organdary tekserý jumystaryn júrgizýde, qylmystyq is qozǵaldy.
