Belgisiz bireýler 70 keli altyn ákele jatqan ınkassatorlyq fýrgondy tonady
ASTANA. QazAqparat - Frantsııada Lıon qalasynyń mańynan ótip bara jatqan altyn quımalary bar ınkassatorlyq fýrgondy tonap ketti.
France Presse agenttigi quqyq qorǵaý organdarynyń derekkózine silteme jasap habarlaǵandaı, urylar 2,5 mln eýro turatyn, jalpy salmaǵy 70 kelilik baǵaly metaldy qoldy etken. Bul jaǵdaı búgin túske deıin Lıonǵa jaqyn aýmaqtaǵy A6 kúre jolynda - Parıj ben Frantsııanyń ońtústigin baılanystyratyn ortalyq magıstralda oryn aldy. Qylmyskerler Lıonnyń soltústigindegi Dardııı kenti mańyndaǵy tas jolda fýrgondy kútip turǵan. Belgili bolǵan derekterge sáıkes, urylar tórteý bolǵan. Olar ınkassatorlar mashınasyn tas bekitip, barlyq altyndy tonaǵan. Al, ınkassatorlyq júkti alyp júretin eki kisini fýrgonǵa qamap, órt qoıǵan da oqıǵa ornynan izderin sýytqan.
Іshinde qalǵan ınkassatorlardy sol jerge der kezinde jetken jandarmdar qutqaryp úlgerdi.
