Belgisiz bireý Máskeýdegi Slovakııa elshiliginde polıtseıge pyshaq saldy
MÁSKEÝ. QazAqparat - Qalalyq polıtsııa Máskeý ortalyǵynda polıtseıge jasalǵan shabýyldy rastady, dep habarlaıdy TASS.
Búgin Máskeý ýaqytymen 15:00-de Brest kóshesindegi 33 úıdiń janynda astanalyq polıtsııa qyzmetkerine shabýyl jasaldy. Belgisiz er adam polıtseıdi ótkir zatpen jaralap, artynsha oqıǵa ornynan izin sýytqan»,- dep habarlady Máskeý boıynsha ІІM Bas basqarmasynyń baspasóz qyzmeti.
«Máskeý polıtsııasy qaskúnemdi izdeý jáne ustaý boıynsha tıisti sharalar keshenin júrgizip jatyr»,- dep atap ótti vedomostvodan.
Polıtsııa qyzmetkeri aýyr jaǵdaıda aýrýhanaǵa tústi.
Budan buryn quqyq qorǵaý organyndaǵy derekkóz agenttikke "pyshaqpen qarýlanǵan belgisiz adamnyń Máskeýdegi Slovakııa elshiligi mańynda polıtseıge shabýyl jasaǵandyǵyn" habarlaǵan bolatyn.
