Belgisiz bireý qonaqta otyrǵan adamdarǵa oq atyp, 7 adamdy jaralaǵan
ASTANA. QazAqparat - AQSh-tyń Kalıfornııa shtatynda belgisiz bireý qonaqta otyrǵan adamdarǵa oq atyp, 7 adamdy jaralady, dep habarlady RIA Novostı.
Oqıǵa Moreno Vallı qalasynda bolǵan. Jeksenbi kúni turǵyn úıge jınalyp, óz merekesin toılap otyrǵan úıge belgisiz bireý kirip kelip, oq atqan. Qonaqta 50-60 adam bolǵan, sonyń 7-ne oq tıip, jaralanǵan.
Bolǵan jaǵdaıǵa baılanysty jergilikti tártip saqshylarynyń bergen habarlamasynda, onda aýyr jaralanǵan eshkim joq eken, oq tıgen adamdardyń barlyǵy tiri, oqıǵaǵa qatysty tergeý amaldary júrgizilip jatyr.
