Belgisiz bireý qaıyrymdylyq jáshigine salmaǵy keli tartatyn som altyn salyp ketken
ASTANA. 11 aqpan. QazAqparat - Belarýstyń Brest qalasynda belgisiz bireý dúkendegi shirkeý qurylysy úshin qaıyrymdylyq jáshigine salmaǵy keli tartatyn som altyn salyp ketken, dep habarlady Ýtro.rý agenttigi.
Dúken kúzetshisi jáshiktegi altyndy baıqaǵanmen naǵyz altyn bolmas dep oılaǵan. Alaıda muqııat qaraǵanda Ulttyq bankiniń tańbasyn jáne altynnyń shynaıy ekenin dáleldeıtin qasyndaǵy sertıfıkatty kórgen.
Beınebaqylaý kamerasy syılyq ıesi otyzdar shamasyndaǵy jigit ekenin kórsetken. Jáshikke sadaqasyn sala otyryp, ol «Kúmbez úshin!» degendi aıtqan. Som altyn 462 mln. belarýs rýbline (55 myń dollardan astam) satyldy. Shirkeý popy Evgenıı Lıhota bul aqshanyń edáýir bóligi jańa shirkeý qurylysy boıynsha qaryzdardy jabýǵa jumsalatynyn málim etti.
