Belgisiz bireý Germanııanyń qarjy mınıstrligine jarylǵysh zat salynǵan qapshyq jibergen
ASTANA. QazAqparat - Belgisiz adamdar Germanııa qarjy mınıstrliginiń ǵımaratyna jarylǵysh zat salynǵan qapshyq jibergen. Jarylys qaýpi saldarynan mınıstrlik qyzmetkerleri evakýatsııalandy, dep habarlaıdy Bild basylymy.
Kúdikti qapshyqty jergilikti ýaqytpen saǵat 10:00-de vedomstvo basshysy Volfgang Shoıbleniń atyna ákelgen. Qarjy mınıstrligi qyzmetkerleriniń qaýipsizdigin qamtamasyz etý maqsatynda olar birneshe saǵatqa ǵımarattan shyǵaryldy.
Qapshyqty tekserý barysynda anyqtalǵandaı, onyń ishinde otshashýlar men basqa da pırotehnıkalyq quraldarda paıdalanylatyn jarylǵysh zattar bar bolyp shyqty. Keıinirek mamandar jarylǵysh qapshyqty zalalsyzdandyrdy.
Buryn, 11 naýryz kúni Germanııa polıtsııasy eldiń batysynda ornalasqan Essen qalasyndaǵy saýda ortalyǵynda lańkestik shabýyldyń aldyn alǵanyn habarlaǵan edi. Quqyq qorǵaý organdarynyń aqparaty boıynsha, «Islam memleketiniń» jaqtastary qoǵamdyq orynda jarylys jasaýdy josparlaǵan. Eki kúdikti lańkestik shabýyl daıyndaǵany úshin tutqyndalǵan.
