Belgisiz bireý Darvın qalasyndaǵy qonaqúıde 6 adamdy atyp ketti
NUR-SULTAN. QazAqparat - Aýstralııanyń Darvın qalasyndaǵy Palms qonaqúıinde belgisiz bireý birneshe adamdy atyp ketti, dep habarlaıdy «QazAqparat» HAA NT News gazetine silteme jasap.
Basylymynyń jazýynsha, qala polıtsııasy arnaıy operatsııa kezinde qaskóıdi qolǵa túsirgen.
Derekterge qaraǵanda, 45 jastaǵy er adam qonaqúıge pompalyq qarýmen kirip kelip, adamdarǵa qaraı oq jaýdyrǵan. Atys saldarynan tórt adam qaza taýyp, ekeýi jaralandy. Kúdikti shabýyldan keıin izin sýytyp, qalanyń shetine baryp jasyrynǵan. Munymen qoımaı, onda da sol mańnan ótip bara jatqandardy oq atqan.
Qazir jaralanǵan ekeý aýrýhanada jatyr. Polıtsııa tergep-tekserýdi bastap ketti.
