Belgisiz bireý Barak Obamanyń Denverdegi shtabyna oq jaýdyrdy
ASTANA. 13 qazan. QazAqparat - Belgisiz bireý Barak Obamanyń Kolorado shtatynyń Denver qalasynda ornalasqan shtabyn oq astyna aldy, dep habarlady RBK.
Qalalyq polıtsııanyń ókili Rakel Lopes habarlaǵandaı, shabýyl kezinde keńseniń ishinde adamdar boldy, degenmen, olar zardap shekken joq. Atys saldarynan ǵımarattyń shyny panelderiniń biri zaqymdaldy.
Qazirgi ýaqytta polıtsııa qyzmetkerleri oq atylǵan kólikti anyqtaý úshin beınekameralardyń jazbalaryn tekserýde. Buǵan deıin B. Obamanyń Denverdegi shtabynyń qyzmetkerlerine qatysty qoqan-loqylar kórsetilmegen. Qazirgi prezıdenttiń saılaýaldy shtabynda bul oqıǵaǵa qatysty eshbir pikir bildirilmedi.
Aıta keteıik, 6 qarashada AQSh-ta prezıdenttik saılaý ótedi.
B. Obamanyń shtabyna jasalǵan atys - Aq úıdiń qazirgi basshysymen baılanysty sońǵy táýlikterde bolǵan alǵashqy oqıǵa emes. Senbige qaraǵan túni prezıdenttiń kúzetshisi, AQSh Qupııa qyzmetiniń qyzmetkeri Aaron Frensıs Ingler mas kúıinde Maıamıde (Florıda) ustalǵan bolatyn. Ony ustaý kezinde agent polıtsııa qyzmetkerlerine qarsylyq kórsetpek bolǵan.
Kolýmbııada ótken Amerıka Sammıti kezinde jezókshelerdiń qyzmetine júgingen B. Obamanyń oqqaǵarlaryna baılanysty daý-damaıdan keıin AQSh-tyń Qupııa qyzmeti qyzmetkerleriniń ózin-ózi ustaý erejesine aıtarlyqtaı ózerister engizildi. Atap aıtqanda, olarǵa jumys kezinde ǵana emes, sondaı-aq jumysqa kelmes buryn 10 saǵatqa deıin alkogoldi ishimdikter ishýge tyıym salyndy.
