Belgisiz adamdar Tehas mektebinde oq atty
ASTANA. QazAqparat - Belgisiz adamdar Tehas shtatyndaǵy Alpaın mektebinde oq atty. Bul týraly CNN habarlady.
Sońǵy málimetter boıynsha, atys mekteptiń akt zalynda bastalǵan. Bir adam - boljammen oqýshy bala jaraqattanyp, keıin aýrýhanada kóz jumdy. Shabýyldy eki adam jasaǵan, olar áli quryqtalǵan joq. Mektep ǵımaraty qorshaýǵa alynyp, barlyq 280 oqýshy qaýipsiz jerge kóshirildi. Keıbir málimetterge sáıkes, Alpaınnyń barlyq mektepteri jabyldy, dep habarlady Lenta.rý.
Alpaın qalasy Tehas shtatynyń batysynda ornalasqan. Ol Brýster okrýginiń ortalyǵy. 2010 jylǵy halyq sanaǵy boıynsha Alpaında 6 myńǵa jýyq adam turady.
