Belgisiz adam Máskeý metrosynyń vagonynda oq jaýdyrdy
ASTANA. QazAqparat - Belgisiz adam máskeý metrosynyń Kalýga-Rıga jelisindegi «Profsoıýznaıa» stansasynda jolaýshyny tapanshamen jaraqattady, dep habarlady reseılik aqparattyq agenttikter Reseı ІІM Máskeý qalasy boıynsha bas basqarmasynyń baspasóz qyzmetine silteme jasap.
Oq travmatıkalyq qarýdan atylǵan syńaıly.
Onyń aldynda atqysh zardap shegýshimen sózge kelgen.
Kýágerlerdiń aıtýynsha, zardap shegýshiiniń basyna eki oq tıgen.
Shabýyl jasaǵan adam «Kalýjskaıa» stansasynda vagonnan shyǵyp, oqıǵa ornynan iz sýytqan, qazir ony izdep jatyr. Polıtsııa oǵan qatysty óltirýge qastandyq jasaý qylmysymen is qozǵady. Bul bap boıynsha, er adam 15 jylǵa bas bostandyǵynan aıyrylýy múmkin.
Zardap shekken adam aýrýhanaǵa jetkizildi, oǵan dárigerlik kómek kórsetilýde.
Bul sońǵy kúnderde máskeý metrosynda qarý qoldaný arqyly bolǵan ekinshi oqıǵa. 5 sáýirde «Taganskaıa» stansasynda eki er adam sózge kelip, olardyń biri ekinshisine dene jaraqatyn salǵan bolatyn. Kúdikti kóp keshikpeı ustaldy.
