Belgili jýrnalıst, jazýshy Seıilǵazy Ábdikárimov dúnıeden ótti
ASTANA. QazAqparat - 2016 jyldyń 9 aqpany kúni Qazaqstan Jazýshylar odaǵynyń jáne Qazaqstan Jýrnalıster odaǵynyń múshesi, QR Mádenıet qaıratkeri, Qazaqstan Kınematografıster odaǵynyń laýreaty Seıilǵazy Ábdikárimov dúnıeden ótti.
Seıilǵazy Ábdikárimov 1949 jyly 1 qarashada Qytaıdyń Tarbaǵataı aımaǵyna qarasty Shaǵantoǵaı aýylynda dúnıege kelgen. 1962 jyly ata jurty Qazaqstanǵa qonys aýdarady. 1977 jyly QazMÝ-diń jýrnalıstıka fakýltetin bitirgen. Mádenıet mınıstrliginiń repertýarlyq redaktsııalyq kollegııasynda redaktor, «Qazaq ádebıeti» gazetinde aǵa tilshi, Qazaq televızııasynda kommentator, Qazaq radıosynda redaktorlyq. qyzmet atqarǵan.
Jazýshy «Aǵa serjant» atty eki bólimdi dramanyń, «Úreıli kúnder», «Kópekórneý», «Mazasyz tún», «Qandy qarymta» pesalary men «Beý, Qatıra-aı» degen bir aktili komedııanyń avtory. «Kózbekóz» (1979), «Tastúlek» (1990), «Beles, beles, belester» (1993) jáne «Óner muraty» (E. Tólegenovpen birigip) jınaqtarynyń, «Qazaq óneriniń aq ordasynda» (1997), «Jaqsydan jaqsy týar jarqyldaǵan» (1997), «Tóbede jalbyr bult kóship», «Aqıqatqa kýá bolar Aı, Kún bar» kitaptarynyń, «Ǵıbratty ǵumyr» serııasy boıynsha shyqqan «Ámına» derekti povesiniń (2006) avtory. «Ar» atty radıo-pesasy Qazaq radıosynyń Altyn qoryna engen.Sonymen qatar «Qazaq óneriniń antologııasy» aıdarymen daıyndalǵan 40-qa jýyq óner adamdary jaıly habary saqtalǵan.
«Qazaq óneri antologııasynyń» on tomdyq jobasynyń avtory ári qurastyrýshysy. «Áıelimniń kúıeýi» atty áńgimesi 1996 jyly ıÝNESKO-nyń «Álem ádebıeti» almanahynda aǵylshyn tilinde jaryq kórgen.
Jazýshy Seıilǵazy Ábdikárimovpen qoshtasý 11 aqpan kúni saǵat 9 ben 10 aralyǵynda Jazýshylar odaǵynda ótedi.
