Belgili jýrnalıst Moıseı Goldberg ómirden ozdy
ASTANA. QazAqparat - Belgili jýrnalıst Moıseı Goldberg ómirden ozdy, dep habarlaıdy «QazAqparat» HAA Bas redaktorlar klýbynyń atqarýshy dırektory Ásem Esilbaevaǵa silteme jasap.
«Moıseı Mıxaılovıch aýyr dertpen kúresip keldi, ota jasalǵannan keıin emin qabyldap júrgen edi... Keshe onyń dám-tuzy taýsyldy... ımandy bolsyn!» - dep jazdy ol Feısbýktegi paraqshasynda.
Moıseı Goldberg 1926 jylǵy 12 sáýirde Ýkraın Keńestik sotsıalıstik respýblıkasy Zaporoje oblysynyń Melıtopol qalasynda týǵan.
15 jasynda Qazaqstanǵa, Pavlodar qalasyna evakýatsııalanǵan. 1943 jyly Qyzyl Armııa qataryna shaqyryldy. 1944 jyly Ýkraınany azat etý shaıqastarynda aýyr jaralandy. Demobılızatsııadan keıin Pavlodarǵa oralyp, oblystyq gazette, keıin kóp jyldar Aqmola oblysy boıynsha TASS agenttiginiń tilshisi bolyp qyzmet etti.
Keıin 15 jyl boıy Tselınograd radıosynyń bas redaktory laýazymyn atqardy.
