Belgili jýrnalıst Ǵ.Shalahmetovtiń alǵashqy ádebı kitaby jaryq kórdi
ALMATY. 30 mamyr. QazAqparat - Búgin Almatyda pýblıtsıst, aqyn, kınodramatýrg, jýrnalıst, Qazaqstannyń eńbek sińirgen qyzmetkeri, Qazaqstan televızııasy akademııasynyń akademıgi Ǵadilbek Shalahmetovtiń «V pýstyne kajdyı na vıdý» kitabynyń tusaýkeseri ótti.
QR Ulttyq kitaphanasy dırektorynyń birinshi orynbasary Baqytjamal Ospanovanyń aıtýynsha, 6 bólimnen turatyn bul kitapta avtordyń otbasy, dostary týraly óleńderi qamtylǵan. Mádenıet ordasy bul shara kezinde sondaı-aq, arnaıy kitap kórmesin de uıymdastyryp otyr. Onda Ǵadilbek Minájulynyń shyǵarmalary kirgen jáne qaıratker týraly jazylǵan entsıklopedııalyq jınaqta men ózge de baspa materıaldary qoıylǵan. Al belgili mádenıettanýshy Murat Áýezovtyń sózine qaraǵanda, bul Ǵ.Shalahmetovtyń alǵashqy ádebı kitaby bolyp otyr. Onda Ǵadilbek Minájuly Abaı Qunanbaıuly, Qadyr Myrzalıev, Muqaǵalı Maqataevtyń shyǵarmashylyǵynan aýdarǵan birqatar óleńderi de enip otyr.
Toǵyzynshy shildede 70 jasqa tolǵaly otyrǵan Ǵadilbek Minájuly 1943 jyly Astrahan oblysy Kamyzıak aýdanyndaǵy Chıstaıa Banka aralynda dúnıege kelgen bolatyn. Eren eńbegi úshin «Qurmet» (2003) ordenimen, «QR Parlamentine 10 jyl» (2006), «V pamıat 850-letııa Moskvy» (1997), «Pýshkın» (Reseı) medaldarymen, otandyq jýrnalıstıkaǵa qosqan orasan zor úlesi úshin Qazaqstan jýrnalıstıkasy akademııasynyń «Altyn Samuryq» syılyǵymen marapattalǵan, «Ispytanıe» telefılminiń stsenarııi úshin Lenın komsomoly syılyǵynyń (1978), KSRO Jýrnalıster odaǵy syılyǵynyń ıegeri (1982), Qazaqstannyń eńbek sińirgen qyzmetkeri (1996) ataqtaryn ıelendi. Sondaı-aq Álem halyqtary dúnıejúzilik klýbynyń (1996), Reseı jaratylystaný ǵylymdary akademııasynyń (RAEN, 2001) akademıgi atandy
