Belgili tulǵalar densaýlyq mekemeleriniń jumysyn baqylaı alady
ALMATY. QazAqparat - Almatyda medıtsınalyq mekemeler janynan baqylaý keńesteri qurylady. Bul týraly Basqarmanyń baspasóz qyzmetinen málim etti, dep habarlaıdy QazAqparat tilshisi.
Qazirgi tańda qaladaǵy 15 densaýlyq saqtaý uıymynda baqylaý keńesterine múshelerdi irikteýge baıqaý jarııalandy.
«Densaýlyq saqtaý basqarmasynda qyzmet etetin uıymdardyń arasynda básekege qabilettilikti arttyrý úshin birqatar joba iske asyrylyp jatyr. Onyń ishinde, baqylaý keńesin qurý sybaılas jemqorlyqtyń aldyn alýǵa septigin tıgizedi dep oılaımyz. Al medıtsınalyq qyzmet sapasynyń jaqsarǵany - barsha qazaqstandyqtardyń jaǵdaıynyń jaqsarǵandyǵyn bildirse kerek. Eger azamattardyń arasynda atalǵan uıymdardy basqarýǵa aralasqysy keletin tulǵalar bolsa kandıdatýrasyn usyna alady», - dedi basqarmadan.
Atalǵan keńeske qoǵamdyq pikir týdyra alatyn tulǵalar, ekonomıster, qarjygerler, ÚEU músheleri múshe bola alady.
Eske salaıyq, qalalyq Densaýlyq saqtaý basqarmasynyń eks basshysy Serikbol Mýsınov para aldy degen kúdikpen ustalǵan bolatyn. Oǵan qatysty is №2 Medeý aýdandyq sotynda qaralyp jatyr.
