Belgili telejýrnalıst Nurtileý Imanǵalıuly efırge qaıta oraldy
ASTANA. QazAqparat - Belgili telejýrnalıst Nurtileý Imanǵalıuly Almaty oblysynyń «Jetisý» telearnasynda baǵdarlama júrgizedi. Bul týraly Gúljan Qyzaıbaı Feısbýktaǵy paraqshasynda habarlady.
«Qazaq jýrnalıstıkasynyń ardager jýrnalısi Nurtileý Imanǵalıuly efırge qaıta oraldy! «Baı- qýatty bolaıyq» Jetisý telearnasynan ər jeksenbi, 19:30-da qarańyz!», - dep jazdy Gúljan Qyzaıbaı.
Nurtileý Imanǵalıuly - belgili telejýrnalıst, Qazaqstannyń mádenıet qaıratkeri, Óner akademııasynyń qurmetti professory, Qazaqstan Jýrnalıster odaǵy men «Altyn Juldyz» syılyǵynyń ıegeri.
1952 jyly 1 mamyrda Almaty oblysy Aqsý aýdanynda dúnıege kelgen. 1977 jyly QazMUÝ-diń jýrnalıstıka fakýltetin bitirgen. Qazaq televızııasynda tilshi, redaktor, aǵa redaktor, kommentator, bas redaktor, saıası sholýshy, dırektordyń orynbasary, «Habar» agenttiginde moderator-júrgizýshi, odan keıin Úkimet keńsesinde sektor meńgerýshisi, Prezıdent Ákimshiliginde bas maman bolyp istegen. «Qazaqstan» RTRK AQ Basqarma tóraǵasy qyzmetin atqarǵan.
«Jas jiger», «Kózqaras», «Altybaqan», «Aına», «Zań men zaman», «Aqıqat pen ańyz», «Dıdar», «Jastar daýysy», «Araı», «Kókpar», «Oı-kókpar», «Betpe-bet», «Din men dil», «Arnaıy reportaj», «Dińgek», «Qoltańba» sekildi habarlardy júrgizgen.
