Belgili telerejısser Sholpan Baımoldına dúnıeden ótti
; ALMATY. Maýsymnyń 7-si. QazAqparat /Názıra Eleýhan/ - Ótken juma kúni rejısser-ustaz, kóptegen derekti fılmderdiń avtory Sholpan Baımoldına 66 jasynda ómirden ótti.
Sholpan Qaıyrtaıqyzynyń esimi ulttyq aqparat keńistiginde keńinen tanymal. Ol Lenıngradtaǵy teatr jáne kıno ınstıtýtyn támámdap, alǵashqy qyzmet jolyn 1963 jyly Aqmola oblystyq teleradıokompanııasynda bastady. Sol ýaqyttan bastap ol óz ómirin televıdenıemen baılanystyrdy. 1965 jyly respýblıkalyq «Qazaqstan» telearnasyna aýysyp, onda «Qurdastar» jastar redaktsııasynda, ádebı-drama, mýzyka redaktsııalarynda rejısserlyq qyzmet atqardy. Ol kóp adamnyń qatysýymen úlken habarlardy efırge týra shyǵardy, Japonııa, Úndistan elderimen uıymdastyrylǵan telekópirlerge, ár túrli festıvalderge qatysyp, óz qoltańbasyn qaldyrdy. 1990 jyldary elimizge tanymal bolǵan "Naýryz", "Suhbat", «Shuǵyla», «Aıtys» habarlaryn daıyndady. Kásibı sheberligi joǵary Sholpan Baımoldına arnanyń bas rejıssery bolyp, otandyq televızııanyń damýyna úlken úles qosty. Onyń jasaǵan fılmderi men habarlary «Qazaqstan», «Habar», máskeýlik «1 arna» TRK altyn qorlarynda saqtaýly. Keıingi jyldary ol QR Prezıdentiniń teleradıokesheninde eńbek etip, Lev Gýmılev atyndaǵy Eýrazııa ýnıversıtetinde jastarǵa dáris oqydy.
Qazaq televıdenıesiniń ardageri Sholpan Qaıyrtaıqyzymen qoshtasý maýsymnyń 9-y kúni, saǵat 10-da respýblıkalyq Qazaqstan telearnasy ǵımaratynda bolady.
