Belgili tarıhshy Zardyhan Qınaıatuly ómirden ozdy
ASTANA. QazAqparat - Qazaq rýhanııaty taǵy bir orny tolmas qazaǵa ushyrady. Belgili tarıhshy ǵalym, qoǵam qaıratkeri Zardyhan Qınaıatuly qarashanyń 23-i kúni ómirden ótti.
Zardyhan Qınaıatuly - saıasatker, qoǵam qaıratkeri, tarıh ǵylymdarynyń doktory, professor. Óziniń sanaly ǵumyryn basshylyq qyzmetterge, ǵylymǵa arnaǵan ǵalym.
1940 jyly Mońǵolııanyń Qobda aımaǵy Qobda sumynynda ómirge kelgen. Mońǵolııa memlekettik ýnıversıteti men Máskeý qoǵamdyq ǵylymdar akademııasyn bitirgen. 1975-1987 jyldary aralyǵynda Mońǵolııa Kásipodaǵy Ortalyq komıtetiniń hatshysy qyzmetinde boldy. 1990-1992 jyldary Mońǵolııa Úkimetiniń Vıtse-Premeri orynbasary jáne Mońǵolııa Parlamenti Tóraǵasynyń orynbasary qyzmetterin atqarǵan. Kommýnıstik júıeden keıingi Mońǵolııanyń jańa Konstıtýtsııasyn jáne sol elde júrgizilgen saıası-ekonomıkalyq reformalardyń quqyqtyq negizin jasaýshylardyń biri.
Zardyhan Qınaıatuly 1994 jyly Qazaqstanǵa qonys aýdarǵan. Ómiriniń sońyna deıin Shoqan Ýálıhanov atyndaǵy Tarıh jáne etnologııa ınstıtýty ınstıtýtyndaǵy ǵylymı qyzmette boldy. Ǵalym «Jylaǵan jyldar shejiresi», «Mońǵolııadaǵy qazaqtar», «Mońǵol ústirtin meken etken sońǵy túrik taıpalary», «Kóshpendilik ǵumyr» jáne t.b kóptegen tarıhı kitaptar jazyp, ult rýhanııatyna ólsheýsiz úles qosty.
