Belgili sazger, ánshi Qaırat Nurǵazın dúnıe saldy
QOSTANAI. QazAqparat - Belgili kompozıtor, ánshi, respýblıkalyq jáne halyqaralyq baıqaýlardyń laýreaty Qaırat Nurǵazın ómirden ozdy, dep habarlaıdy QazAqparat «Qostanaı tańy» gazetine silteme jasap.
Qaırat Nurǵazın 1965 jylǵy 16 sáýirde Qostanaı oblysy, Naýryzym aýdanyna qarasty Sýly aýylynda týǵan.
Ol - qulaqqa jaǵymdy, jyly estiletin názik, bııazy daýysymen tyńdarman júregin jaýlap alǵan daryn ıesi. Ónersúıer qaýymǵa áıgili «Arman jyrym - arýlarym» ánimen jaqsy tanymal boldy. Q.Myrza Áli, T.Moldaǵalıev, I.Saparbaı syndy aqyndardyń sózderine jazylǵan ánderin halyq jaqsy qabyldaı bildi.
Bıyl oblys ortalyǵynda sazgerdiń «Qostanaı - qutty mekenim» atty shyǵarmashylyq keshi ótken-di. Týǵan jerinde onyń «Ásem Býrabaı», «Aman júrshi, aınalaıyn» jáne «Sen áli ǵashyqpysyń?» atty jańa ánderiniń tusaýy kesildi.
Foto www.nurgazin.ucoz.ru
