Belgili saıasatkerdi meıramhanada atyp ketti
ASTANA. QazAqparat - Meksıkanyń Gerrero shtatynda, Akapýlkodaǵy otelderdiń birindegi meıramhanada Ulttyq is-qımyl partııasynyń bas hatshysy Braýlıo Saragosý Magandýdy tańerteńgilik as iship otyrǵan kezinde óltirip ketti.
Ony belgisiz bireýler avtomatty qarýmen atqan. Saıasatkerdiń partııalastary bul ispen prokýratýranyń shuǵyldanýyn talap etti.
Ajal qushqan azamat múshe bolǵan partııa Meksıkadaǵy iri saıası uıymdardyń biri. Al ol atylǵan Gerrero shtaty qylmys órshigen aımaq bolyp esepteledi.
