Belgili rejısserge úsh balasy úshin 1,2 mln. dollarǵa aıyppul taǵaıyndaldy
ASTANA. 10 qańtar. QazAqparat - Qytaılyq rejısser Chjan Imoý men onyń zaıyby uzaq ýaqyt boıy úsh balasy bar ekendikterin jasyryp kelgen.
Álemge tanymal rejısser, stsenarıst ári prodıýser Ch. Imoýge otbasyn josparlaý týraly zańdy buzǵany úshin 7,48 mln. ıýan kóleminde ($1,2 mln.) aıyppul taǵaıyndaldy.
62 jastaǵy kıno qaıratkeri men qazirgi zaıyby Chen Tın jeltoqsanda resmı túrde bul faktini moıyndady. Olardyń eki uly men bir qyz balasy bar eken.
Bul balalar atalǵan juptyń 2011 jyly nekege turǵanǵa deıin ómirge kelgen.
