Belgili rejısser Georgıı Danelııa ómirden ozdy
MÁSKEÝ. QazAqparat - Beısenbi kúni 88 jastaǵy belgili rejısser Georgıı Danelııa qaıtys boldy, dep habarlaıdy «QazAqparat» HAA TASS agenttigine silteme jasap.
Bul týraly agenttik ókilderine rejısserdiń áıeli Galına Danelııa habarlaǵan.
«Georgıı Nıkolaevıch Danelııanyń qazir ǵana júregi toqtap, ómirden ozdy. Dárigerler onyń ómirin saqtap qalý úshin baryn salyp edi», - deıdi G. Danelııa.
Aqpan aıynda rejısser ókpesi qabynyp aýrýhanaǵa jatqyzylyp, medıkamentozdyq komaǵa túsken bolatyn.
Keıinirek Galına Danelııa jubaıynyń komadan shyqqanyn jetkizgen, alaıda rejısser aýrýdan tolyq aıyǵyp kete almady.
Ol kınosúıer qaýymǵa «Mımıno», «Kın-dza-dza», «Afonıa» sekildi kóptegen tanymal fılmderdi tartý etti.
