Belgili rejısser Bolat Uzaqov TMD Parlamentaralyq Assambleıasynyń tósbelgisimen marapattaldy
ASTANA. QazAqparat - Halyqaralyq teatr kúnine oraı, Qazaqstannyń eńbek sińirgen qaıratkeri, Q. Qýanyshbaev atyndaǵy memlekettik qazaq mýzykalyq drama teatrynyń dırektory Bolat Qasymjanuly Uzaqov «teatr men ónerdi damytýǵa sińirgen eńbegi úshin» TMD Parlamentaralyq Assambleıasynyń tósbelgisimen marapattaldy.
Belgili rejısser jemisti shyǵarmashylyq eńbegimen elordalyq teatr kórermenderin qýantyp keledi. Atap aıtqanda, rejısser B. Uzaqovtyń Qazaq handyǵynyń 550 jyldyǵyna arnalyp qoıylǵan «Abylaı hannyń armany» atty qoıylymynyń (týyndynyń avtory dramatýrg Dýman Ramazan) premerasyn Qazaqstan Respýblıkasynyń Memlekettik hatshysy Gúlshara Ábdiqalyqova arnaıy kelip tamashalap, teatr artisteriniń ónerine oń baǵasyn bergen bolatyn.
Sondaı-aq, tarıhı dramany Qazaqstan Respýblıkasynyń Mádenıet jáne sport mınıstri Arystanbek Muhamedıuly, Astana qalasy ákiminiń orynbasary Ermek Amanshaev, Parlament depýtattary, zııaly qaýym ókilderi de úzdik qoıylym qataryna jatqyzdy.
