Belgili rejısser Aısultan Seıitov Almaty týraly rolık túsirmek
ALMATY. QazAqparat – Belgili qazaqstandyq rejısser, klıpmeıker Aısultan Seıitov Almatynyń týrıstik áleýeti týraly ımıdjdik rolık túsirmek, dep habarlaıdy QazAqparat tilshisi.
Qalalyq týrızm basqarmasy basshysynyń orynbasary Qalıbek Aqylbekov qala týraly «Eń úzdik vıdeosholý» baıqaýy uıymdastyrylatynyn aıtty.
«Bıyl belgili qazaqstandyq klıpmeıker, rejısser Aısultan Seıitovpen Almaty men Almaty aglomeratsııasyndaǵy Abaı atyndaǵy memlekettik opera jáne balet teatry ǵımaraty, kınoteatr Arman, Kók Bazar, Panfılov kóshesi, oblystaǵy – Sharyn shatqaly, Altyn Emel, Kólsaı kólderi, Qaıyńdy týraly ımıdjdik vıdeorolık túsirýdi josparlap otyrmyz», - dedi ol.
Odan bólek Almatynyń tanymaldylyǵyn arttyrý úshin áýejaılar men metrostansalarda, halyqaralyq (Sankt-Peterbor, Kıev, Tashkent, Baký) jolaýshy poıyzdarynyń syrtynda qala týraly banner uıymdastyrylady.
Sheteldik belgili saıttar men BAQ betterinde, áleýmettik jelide qala týraly foto, vıdeo aqparat jarııalanady.
