Belgili promoýter Golovkınniń kelesi qarsylasyn atady

ASTANA. QazAqparat - Promoýterlik kompanııanyń basshysy Bob Arým WBA Regular nusqasy boıynsha orta salmaqtaǵy álem chempıony Rob Brant kelesi jekpe-jegin qazaqstandyq Gennadıı Golovkınmen ótkizýi múmkindigin aıtty, dep habarlaıdy QazAqparat sports.kz saıtyna silteme jasap.

«Mýrata menińshe, Brantpen batyl aıqasty. Oǵan laıyqty qurmet bildirýimiz kerek, tek Rob myqtyraq bolyp shyqty. Jekpe-jek esebi shyndyqtan alystaý boldy, biraq Branttyń jeńiske jetkeni kórinip turdy. Branttyń komandasymen kelissózder ótkizemin. Aldaǵy ýaqytta Bantqa da, Mýrataǵa da neniń jaqsy bolatynyn sheshemiz. Keleshektegi josparlar jaıyly onyń adamdarymen sóılesý qajet. Bul, Mýratamen revansh bolar, múmkin bizdi alda Brant pen Golovkınniń aıqasy kútip turǵan shyǵar», - dep keltiredi Arýmnyń sózin Boxingnews24.

Eske salaıyq, ótken demalys kúnderi Las-Vegasta (Nevada shtaty, AQSh) japon boksshysy Rıota Mýrata (14-1, 11 KO) men amerıkandyq Rob Branttyń (23-1, 16 KO) jekpe-jegi ótti. Tóreshilerdiń biraýyzdan qabyldaǵan sheshimimen jeńis Brantqa berildi. Osylaısha, Mýrata WBA Regular tujyrymy boıynsha orta salmaqtaǵy «turaqty» álem chempıony tıtýlyn qorǵaı almaı qaldy.

Japondyq boksshy Gennadıı Golovkınniń (38-1-1, 34 KO) kelesi qarsylasy retinde qarastyrylyp kelgen edi.